Саранскоентень улемс од ярмактнень лангсо. (ЭРЗЯ)

Россиянь Центробанкось яволявтсь од ярмаконь нолдамодо. Дизайнэсь ансяк ванкшнови. Оштнэнь, конат кармить артозь од банкнотатнень лангсо кочкасызь сынсь ломантне. Ули кемема, кавтосядт ды кавто тежат целковойень купюратнень лангсо карми Саранск ошось.
Красноярск, Санкт-Петербург, Москов, Архангельск, Ярославль ды Хабаровск. Маласо шкастонть те рядонть поладсызь еще кавто ошт. Эскизтнэ неень шкане ансяк ванкшновить. Минек ошонь эрицятне бажить максомс вайгелест ансяк тиринь ошонть кисэ. Саранскоентень ули мейсэ шнамс пря. Минек ули Вейсэндямонь тежа иетненень алтазь куншкакуронок, ошонь визитной карточкакс умок кармась Кафедральной соборось. Вайгелень максомась моли интернетсэ «Твоя-Россия.рф.» сайтсэнть. Тесэ уш невтезь зярыя ошт ды сынст тешксэст. Тевенть топавтомга эряви сёрмадомс чаво полятнень ды кучомс смс-пароль нурька номер лангс.