Саранск ошсо ютась Рав кужонь Федеральной округсо музейтнесэ-заповедникесэ, лия ванстома ды культурной наследиянь лия таркатнесэ закононь коламотнень а нолдамга регионъютконь окружной робочей группань заседания. (ЭРЗЯ)
Истямо группась ульнесь пурназь РФ-нь президентэнть Владимир Путинэнь кармавтоманзо коряс. Группас совицятне иезэнзэ весть пурнавкшныть вейс ды теить топавтозь тевтненень цётамот. Прявт путовксокс сынст икеле ашти ванкшонмс, кода ванстовить музейтне-заповедниктне, заповедной зонатне, ванстома ды культурной наследиянь лия таркатне. Весе Россиянь территориянть келес улить певтеме ламо памятникть ды исторической таркат, ламотне эйстэст содавикст весе мода-масторонть келес, сынст ванкшномо эрьва ие сакшныть миллионт туристт. Ванстомс культурной наследиянть — те приоритетной направлениясь, конань кирди минек правительствась. Неень шкане Мордовиянь территориясонть тешкставить 855 культурной наследиянь объект. Сыненст кандовить археологиянь, истроиянь, архитектурань ды искусствань памятникть. Регионъютконь окружной робочей группань важодемась мольсь кавто чить. Весе те шканть перть ПФО-нь представительтне ульнесть аволь ансяк совещаниянтнесэ ды форумтнесэ, истяжо ваннызь Мордовиянь культурной объектнэнь.