Саранск ошсо ютась «Предыстория и история Советско-Финляндской войны. Региональный срез» книгань презентация. (ЭРЗЯ)
Валентина ды Константин Ковшовтне васенцеде республикасо те тюремадонть ветясть домка исследованият, вейсэндязь информациянтень тейсть анализ! Пусмонть лангсо важодемась мольсь 10 иеть. Константин Ковшов мелень путозь ёвтни эрьва солдатонть ланга. Домка информациянь пурнамга, важодемась ветявсь ламо иень перть. Автортнэ вешнесть архивень документт, ванкшнозель ламо литература, пурнасть фотографият, вастневсть «Финской» войнань участниктнень, раськест марто, педе пес сермадсть весементь, мезесь шкань ютазь уш а вельмевтеви. Пусмонь анокстыцятне патриотизмань кастомань –кепетемань лувсо важодить умок. Советско-Финляндской войнась мольсь 105 чить. Ансяк нурька шканть лангс апак вано, тюремасонть чавовсть ды емасть кулявтомо 130 тежат солдатт. Сынст ютксо Мордовиясо 558 чачозтькак. Мария Мурашкинанень -Мордовиясо чачозентень 96 иеть. Ледстни, кода од тейтерекс саизь войнав. Весемесь кирдевсь салавачисэ. Ушодыця медсестратне эзть арсеяк, сави лездамс фронтсо ранязтненень. Ёвтама, финской войнань ламо участниктне невтсть кемечист Ине Отечественной войнасояк. Книгань питнечиде тешксты Валерий Юрчёнков. 10 иень перть гуманитарной наукань НИИ-сь вети «Мордовиясь 20 пингестэ» проектэнть, конанть лувсо пурнави Весероссиянь эрямопингень событиятнесэ республикасонок чачозтнень участиядо домка информация. Секскак те пусмось- историянть тонавтнемасо ды ванстомасо –покш путовкс.