Саранск ошсо ютась Од ломанень Совет МР-нь национально-культурной вейсэндявксонь те иень васенце заседаниясь. (ЭРЗЯ)
Пурнавозтне кортнизь раськетнень ютксо ояксчисэ эрямонть, тейсть цётамот ютазь иентень. Од ломанень Советэсь пурназель Рав кужонь финнэнь-угрань раськень культурань куронть юрсо. Сон вети робота эрьва кодамо лувсо. Мордовиясо тонавтнить ламо студент омбо масторсто ды пек паро, што сынст эйсэ а кадыть ве ено раськетнень ютксо вейсэндявомань кевкстематнень ванкшномсто. Советэсь лезды од ломантненень совавтомс эрямос бажамост, невтемс сех паро енксост. Течи обществанть ули покш кемемазо од ломантнень лангс. Иеде иес теевить весе условиятне эрьва кодамо сферасо сынст прянь невтеманть туртов. Вастовомасонть Од ломанень Советс сех мельявиця совицятне ульнесть казезь Рав кужонь финнэнь-угрань раськень культурань куронть пельде шнамо коневсо.