Саранск ошонь прявтось Пётр Тултаев эсь сельмсэ неизе, кода топавтовить кармавтоманзо. (Мэр Саранска Пётр Тултаев оценил как исполняются его указы) ЭРЗЯ

Ошонь эрицятне тонадсть суббутань читнестэ Саранскоень куротнесэ некшнемс мэрэнть Пётр Тултаевень. Истя ошонь прявтось эсь сельмсэ ванны, кодат асатыкст улить Саранскойсэ, кодат стакачить печтить эрицятне. Аволь умок шкасто саезь сон кармась ютавтнеме ванномат, кода топавтовить сонзэ кармавтоманзо, весе эли аволь теить управляющей компаниятне ды райононь прявтнэ. Пель ие теде икеле ошонь прявтонтень ульнесть ламо пеняцамот юго-западонь эрицятнень пельде. Роза Люксембург лементь кантниця куронь эрицятне пеняцясть, што сынст кудотнесэ каладсть подъездэнь вальматне, лавшомгадсть подвалсо трубатне, берянть латотне. Сестэ Пётр Тултаев алтась эрицятненень весе неть стакачитнень витемс. Эрявикс кармавтоматне максозельть райононь ды управляющей компаниянь прявтнэнень. Пель иень ютазь, ошонь прявтось сась ванномо, кода топавтозельть кармавтоманзо. Целанек ютавтозельть 14 пель марто миллионт целковойть. Сынст эйстэ сехте покш пельксэсь-малав кавксо миллионтнэ тусть территориянь благоустройствас, малав вететне-латонь одкстомтомас. Лиятне-подъездтнэсэ вальмань, подвалсо кельме ды пси ведень трубань полавтомас. Сехте покш сэредьксэкс те районсо ульнесь лавшо латось. Теке марто муевсть истят ТСЖ-нь прявт, конат таго вешсть ошонь прявтонть кедьстэ лезэ. Кудост вакссо пек вишка ардомапелень путома таркась. Мэрэсь мерсь пурнамс кудонь промс, кортамс весе кевкстематнень ды кучомс сонзэ лемс сёрма. Эрицятне ёвтасть ламо лембе валт топавтозь важодеманть кисэ аволь ансяк ошонь прявтонтень. Стакачист чарькодизе и райононь прявтось Александр Юткин. Ютавтозь ванномадо  мейле эрицятне тердизь инжетнень варчамс пачалксест. Ды кода тешкстызе ошонь прявтось, каванямкаст тантей, а те корты седе, што топавтозь важодемась тусь эрицятнень мельс!