Саранск ошонь эрицясь Елена Ходоковская тешкстызе 100 иень топодеманть. (ЭРЗЯ)
Те покшчистэнть авантень поздоровонь валонь ёвтамо састь социальной роботникть, малавиксэензэ. Елена Лукьяновнань малавиксэнзэ паро мельсэ вастыть те покш датанть, кортыть, сыненст пек мельспаро, што кудораськесэст ули истямо сюпавчи — сядо иесэ юбиляр. Седеяк паро, што авась юбилеензэ тешксты валдо прев ды паро шумбрачи марто. Елена Ходоковская чачсь Кочкурова райононь Видман посёлкасо. Кудораськест ульнесь аволь покш-тетязо аванзо марто ды Зоя сазорозо, конась войнань стака читнестэ тюрсь ятонть каршо, ульнесь разведчицакс. Елена Ходоковская весе пингензэ перть важодсь банксо-финансистэкс. Содазь покшчистэнть ламо казнеть ды паро валт, Елена Лукьяновна жо алтась малавиксэнзэ туртов ещё а весть тешкстамс мартост чачома чинзэ.