Саранск ошонь чугункань кинь вокзалсо медицина катастроф республиканской центрась ютавтсь тонавтомат, конат мольсть 2018 иестэ футболонь коряс масторлангонь чемпионатонтень анокстамонть лувсо. (ЭРЗЯ)
Пожарной расчетт, реанимобильть ды скорой помощень каретат – неезесь талакавтынзе весень, кие се шкастонть ульнесь чугункань кинь вокзалонть маласо. Мелявтомс жо ульнесь а мезень кис. Истя Конфедерациянь кубоконть ды 2018-це иень футболонь коряс Масторлангонь чемпионаттонть икеле «Медицина катастроф» республикань центрась вансь апак учонь тевтнес анокчинть. Нурька шкань перть медиктненень эрявсь максомс лезкс кажос понгозь ломантненень. Тесэ весемесь, кода алкукс. Манекенэнь таркас – ломанть. Видестэ кочкамс роботань рисьменть – вана мезе эряви топавтомс МЧС-нь сотрудниктненень ды врачтнэнень. Катастрофань медицинань структурасонть вейке пациент лангс – скорой помощень цела бригада. Кажов тевень лисемстэ жо сыненст сави роботамс зярыя ломань марто. Весероссиянь штабонь специалистнэ таркасо ёвтызь цётамотнень.