Саранск ошень 30-це школаса етась республиканскяй пялькстома кадеттнень еткса патриотическяй моронь морамать коряс ( В школе №30 г. Саранска прошел республиканский конкурс среди кадетов по исполнению патриотических песен) МОКША

Нилеце кизось Саранск ошень 30-це школаса ётафтови кадетскяй класснень ёткса патриотическяй моронь республиканскяй пялькстомась. Пуромкшнесть тяза и ламоц райоттнень эзда кадеттне. Сценать лангса иттне морасть Россиять, Мордовиять, тядять, войнань Гейрохнень колга морот. Минь республикасонк кадетскяй движениясь ушедозень васенце аськолксонзон кеветиешка кизода инголе. Основной урокта башка, кадеттне лама пинге етафнихть школаса шить омбоце пялестонза. Синь тонафнихть лия программань коряс, коса оцю мяль шарфнихть башка предметтненди. Тонафнесазь Российскяй государствать историянц, сотцихть армиять, флотть етаф и тяниень киснон колга. Иттне тонафнихть стройса якама, кядьсост кирдьсазь автоматть, маштыхть сельмонь конезь сонь калафнемонза и меки кочкамонза. Тяда башка, тонафнихть морама. Тя сембось марса иттнень воспитандасыне дисциплинати, вежливайшити, патриотизмати. Кизоста-кизос кадетскяй движениясь Мордовияса виияй и келемкшни. Тяфтама класст панчфт тяни пцтай эрь районца. Минь республиканьке кирди соткст армиять и флотть мархта. Од ломаненьке улендихть ламоц частьтнень, корабльхнень эса, няендьсазь, кода служайхть аймакстонк цератне. Васьфнихть мархтост и тяда меле кочксихть эстейст служама вастт. Эряви азомс, кадеттне примсихть участия Всероссийскяй пялькстоматнень эса, коса республикань иттне сявондьсазь васенце васттнень и мртцихть ичкоздень аймакста диплом, кубка мархта. Аф ваномок эряфонь сталмотнень, карьхцнень лангс, эсь тевонь кельгихне аф лотксихть. Кочксихть и ётафнихть эрь кодама мероприятият, конат вятихть цебярти, тонафтыхть патриотизмати. Ня иттнень эряфса аш васта шобда и кальдяв тефненди.