Саранск ошень 28-це школаса етасть пялькстомат национальнай налхксематнень коряс (В школе №28 Саранска прошли соревнования по национальным играм) МОКША
Содафтомс шабатнень мокшетнень и эрзятнень культураснон мархта и сяка пингть петемс емлатнень шумбрашиснон – тя мяльть кирдезь ошень школатнень эса етафневихть пялькстомат национальнай налхксематнень коряс. Од тонафнемань кизоть ушетксста мастер-класст и пялькстомат «Тюштянь налхксематнень» коряс Павел Мигунов етафтсь Саранск ошень Октябрьскяй райононь кой-кона школатнень видеса. 28-це школаса пялькстоматнень эса няфтезь отькорьшиснон васенце и омбоце классонь тонафнихне. Шабатне оцю мяльса тюрсть кяскавса, усксезь байдекть эса, комотнесть пикскять велькска. Азома ся, што тяфтама пялькстоматне арасть цебярь койкс. Етафневихть синь аф аньцек ошть столицаса, но и республикань райоттнень эсовок, диаспораса. Павел Мигунов няфти мастер-класст, етафни дополнительнай занятият и идень саттнень видеса.