Саранск ошень 21-це идень садса етась «Мордовская ярмарка» илась (В детском саду №21 г. Саранска прошла «Мордовская ярмарка») МОКША
Аф васенце кизось Саранск ошса сувафневи эряфс этнокультурнай образованиянь коряс инновационнай проектсь. Мокшень, эрзянь, татаронь кялень урокне идень саттнень эса етафтовихть аф аньцек кода кяльть коряс занятият. Шабатнень воспитательхне тернесазь эсь лацонь путешествияс республикасонк эряй нароттнень историяснон и культураснон эзга. Содамошиснон национальнай культурать ширеса емлатне сяда тов няфнесазь эрь кодама илатнень пингста. «Мордовская ярмарка» — тяфта лемтьфоль илась, конанц пингста иттне оцю мяльса няфтезь маштомашиснон кштимаса и морамаса. Кода виденцяйхть воспитательхне, шабатне фалу примсихть участия тяфтама илатнень эса. Тядятнень-алятнень эзда каршек вал тянкса ашесть марьсе мзярдовок. Иласа шабатне морасть рузонь, мокшень, эрзянь и татаронь морот, азондсть стихт. Емлатне няфтсть мини-спектакль, кода етафневсть ингольдень пинкнень ярмаркатне. Сембе ширде няевсь, тейст тяфтама илатне мялезост.
Тячиень шить республикаса 233 образованиянь дошкольнай учреждения, 34-са эздост тонафнемась вятеви родной кяльса – мокшеннеса, эрзяннеса и татароннеса. Касфтомс шабатнень эзда толерантнай ломатть, тонафтомс синь кельгомс вакссост эряй лия нациянь ломаттнень. Тя васецне цельсь, конац ащи воспитательхнень инголе. И тиеви тя тяфтама илатнень вельдевок.