Саранск ошень 19-це гимназияса етась «Этнокультурное образование: опыт и перспективы» конференциясь (В гимназии №19 г. Саранска прошла конференция «Этнокультурное образование: опыт и перспективы») МОКША

Республикань тонафнемань заведениятне кунара арасть вастокс, коса етафневихть эрь кодама конференцият, пуромкст аф аньцек тонафнихненди, но и учительхненди. Аф васенце кизось ни 19-це гимназиять видеса етафневи тонафтыень Всероссийскяй научно-практическяй конференциясь «Этнокультурное образование: опыт и перспективы» лем ала, конац лемтьфоль литературань Кизоти. Пингстонза мяльснон-арьсемаснон этнокультурнай образованиять колга азозь 250-да лама тонафты республикань райоттнень эзда, Санкт-Петербургста, Москунь, Ульяновскяй   аймакнень эзда, Башкортостанцта, Татарстанцта и Чувашияста.

Сембе минь-Россияттама! Тя мяльть кирдезь аноклафоль и етафтфоль конференциясь. Кода азозь пуромфне, этнокультурнай образованиясь ащи марнек образованиять юрса. Поликультурнай образованиять вельде касфтовихть-воспитандавихть толерантнай ломатть, эсь странань патриотт. А тя,кода содаф, Россиянь национальнай политикать фкя инь главнай задачац.

Пленарнай заседанияда меле учительхне явость 10 секциява. Синь аф аньцек лувсть доклатт, но и ламотне азозь,кода вятьсазь занятиятнень этнокультурнай образованиять коряс.

Форумть работадонза меле примаф резолюзия,конанцты сувасть инь таколфты кизефксне этнокультурнай образованиять ширеса. Тя документсь пачфтеви МР-нь образованиянь министерствав.