Саран ошсо ютась «Золотая коллекция. Родники песенной Мордовии» проектэнть лувсо аудиодискень покш невтема! (ЭРЗЯ)
Дисктне сёрмадозельть «Золотая коллекция. Родники песенной Мордовии» проектэнть топавтомсто, конань арсизе Республикань раськень шкинемань кудось. Моронь пусмотне нолдазь эрзятнень ды мокшотнень келест, коест ванстомга Мордовия Республикань культурань, раськень политикань, туризмань ды архивень тевень министерстванть лезксэнзэ вельде. Весемезэ нолдазельть колмо аудиодискть, козонь совасть эрзянь ды мокшонь ламо морот. Сынст морыть Сыре Шайгова буень Сыре Теризморань народной хорось, Рузаевка буень Левжа велень «Пайгоня» эйкакшонь ансамблясь ды Кочкурбуень Од Пурнясто «Гайги вайгель» фольклоронь ансамблясь. Ютавтовиця покшчисэнть Мордовия Республикань культурань, раськень политикань, туризмань ды архивень тевень министерствань «Раськетнень ютксо ояксчинть кис» медальсэ казевсь Николай Учватов – Мордовиянь культурань заслуженной важодицясь, «Пайгоня» эйкакшонь ансамблянь концертмейстерэсь. Министерствань шнамонь конёвсо покш важодеманть кисэ тешкстазельть Сыре Теризморгань народной хоронь, «Пайгоня» эйкакшонь ансамблянь ды «Гайги вайгель» фольклоронь ансамблянь прявт ветицятне.