Саран ошонь 16-це номер эйкакшонь кужосо ютась «Мордовия моя-народов дружная семья». (В детском саду №16 состоялся праздник «Мордовия моя-народов дружная семья») ЭРЗЯ
Неть читнестэ 16-це номер эйкакшонь кужосонть, национальной культурантень алтазь ковонть лувсо, ютась кенярксчи. Истят мелень саиця мероприятият кужосонть ютавтневить сеедьстэ. Свал шкань инжеть тесэ тетятне-аватне. Эрьвась эйстэст ашти покш мельспаросо, што эйдетне содавтовить раськень койтнень-кирдатне марто. Эйкакшонь кужосонть ламо мель явови национально-региональной компонентэнтень, эрьва чи ютавтовить занятият. Раиса Дёмина важоди те кужосонть комсь ниле иеть, меельце кеметнень вети «Баягине» куронть. Сеске неяви – те эрзянь авась мелявты вечкевикс тевензэ кисэ. Раиса Фёдоровна а стяко путы весе виензэ ды макссы содамочинзэ эйкакштнэнь туртов. Тесэнь трявкстнэ пек парсте содасызь келенть. Эйкакшонь кужось – те васенце тарка, ков тетятне-аватне ветясызь эсь эйдест. Тесэ сынст тонавтсызь кода ветямс прянть коллективсэ, эрямс вейке омбоце марто ояксчисэ. Содазь, минек республикасонть эрить ламо раськеть ды секскак истят кеняряксчитне седеяк малавгавтыть эйдетнень эйсэ.