Санкт-Петербургонь 6-це Раськеютконь культурань форумдо. (ЭРЗЯ)
Лия ёнов а молиця культурань покшчи ютавтозель Санкт –Петербургсо – VI Раськеютконь культурань форум. Ютавтыцятне – РФ-нь ды Санкт – Петербургонь Правительстватне. Форумонь прявт курокс кармась Государственной Эрмитажонь штабось, тевень курокс — Россиянь этнографиянь музеесь. Те мельстуиця покшчис якась эрзя-мокшонь раськень драмань театрань прявтось Светлана Дорогайкина. Форумось мольсь колмо чинь перть. Мероприятитяне ютасть ошонь малав весе культурань учреждениятнесэ. Анокстазель келей деловой программа, кона аштесь 14 секциясто. Сынст прявтокс ульнесть Россиянь культурань содавикс деятельть. Деловой площадкасонть кемекстазельть зярыя проектт. Фестивалень программась пештязель ламодояк ламо культурной мероприятиядо.
Светлана Дорогайкина мель явсь зярыя секциятненень, деловой площадкатненень, ульнесь «Революционные тенденции в театральной эстетике. Опыт и сегодняшняя реальность» раськеютконь научно-практической конференциясо, сценической искусствань коряс ютавтовиця мастер-класстнэсэ. Форумонь участниктне кадовсть мельспаросо «Собачье сердце» спектаклядонть. «Содамочист кепетемань туртов кучнемс истямо мастер-классос Москов, Санкт- Петербург оштнэс театрань 2-3 актерт, режиссерт» — истямо мельс, те форумонь ютавтомадо мейле, прась эрзя-мокшонь раськень драмань театрань прявтось Светлана Дорогайкина.