С.Я. Маршаконь лемса библиотекаса етась ила, конац лемтьфоль эряфкшу ломанень ковти (В библиотеке имени С.Я. Маршака прошло мероприятие, посвященное месячнику пожилых людей) МОКША

Моли сире ломаттненди лемтьф ковсь. Организациятнень и учреждениятнень видеса ётафневихть эрь кодама илат, коса кайгихть лямбе валхт войнань и трудонь ветераттнень лемс. Маршаконь лемса идень библиотекась ашезь ляда ширеса ня цебярь тефнень эзда. Саранск ошень васенце школань тонафнихнень, «Рябинушка» ансамбльть мораензон мархта библиотекань покодихне анокласть концерт эряфкшу ломаттненди.
Илати тертьфтольхть Саранск ошень Пролетарскяй районца эряй войнань и трудонь ветераттне. Иттне тейст лувсть стихт, морасть морот. Тяфта жа эсь маштомашиснон кочкафненди няфтезь «Рябинушка» ансамблянь солисттне. Сюконямань валхт, шумбрашинь арьсемат кайгсть сиренятнень лемс.
Кода корхтайхть сире ломаттне, тейст питни оттнень ширде лангозост мялень шарфтомась. Концертт, эрь кодама васедемат – тя сембось эжди эряфкшуфнень седиснон. Нинге сяда цебярь улель, кда тяфтама илат ётафневольхть кизоньберьф, аф аньцек октябрь ковста.