Рузаевка ошень вейхксоце номер школаса етась «Образование и воспитание школьников в условиях поликультурного региона» нилеце муниципальнай научно-практическяй конференциясь ( В школе №9 г. Рузаевки прошла 4 муниципальная научно-практическая конференция «Образование и воспитание школьников в условиях поликультурного региона») МОКША
Вов ни нилеце кизось Рузаевка ошень вейхксоце школаса ётафневи научно-практическяй конференциясь. Тяса райононь тонафтыхне азондыхть фкя-фкянди эсь сатфксснон колга. Тяда башка, пуромксс сашендыхть Мордовиянь образованиянь министерствань специалистт, Поволжскяй центрань сотрудникт, учёнайхть и Саранск ошень школань тонафтыхть. Корхтамась фалу вятеви таколфты кизефкснень квалма: мезе однясь образованияса.
Круглай шра вакста башка ётафтовсть эрь кодама мастер-класст. Иттненди няфтьфоль кода шуфтста керсемс налхкшт, кода тиендевихть някатненди щапне. Шабатнень содафтозь мокшэрзянь фольклорть, кштиматнень мархта. Ульсь мастер-класс мокшень кяльти тонафнемать коряс и лама лия мезе.
Рузаевкань вейхксоце школань тонафнихне учительснон мархта пяк лац анокласть тя илати. Пуромфненди няфтьфтольхть кштимат, иттне лувсть стихт мокшень и эрзянь кяльса.