РУВИКИ интернет-энциклопедиясь панжсь Россиянь раськень кельтнесэ од пелькст (эрзя)
РУВИКИ интернет-энциклопедиясь панжсь Россиянь раськень кельтнесэ од пелькст. Течинь чистэ саезь энциклопедиясь важоди алтаень, тувань, мокшонь, удмуртонь, эрзянь ды ветькень кельтнесэ. Те иень сундерьковсто сех васенцекс тевс нолдазельть башкирэнь, маринь, сахань, татаронь ды чеченэнь кельсэ вете пелькстнэ📱 Прявт путовксось – теемс Россиянь эрицятнень туртов истямо тарка, косо эрьвась ловноволь ды максоволь тиринь кельсэ кулят. Эряви меремс, РУВИКИ-нь интерфейсэсь теезь рузонь, алтаень, башкирэнь, бурятонь, вепсэнь, маринь, коминь, коми-пермяконь, мокшонь, эрзянь ды ламо лия кельтнесэ. Весемезэ
20 кельть. Мокшонь ды эрзянь кельсэ кувтатнень ветить Валентина Гришунина ды Александр Данильчев филологиянь наукань кандидаттнэ. Зярс весемесь важоди варчамонь лувсо.
РУВИКИ – те од интернет-энциклопеция. Теварсевсэсь васенцеде ульнесь невтезь те иестэ Россиянь интернет-форумсо. Энциклопедиясь вейсэнди тиринь кельсэ кортыцятнень. РУВИКИ-с сёрмадомс мереви эрьвантень. Ансяк весе алкуксчинть мельга домкасто ваныть витницят. Интернет-энциклопедиясь явови шождачисэ, панжадочисэ ды видечисэ. Теварсевксэсь важоди эрьва ломаненть туртов. Седе тов весемесь карми одкстомтовомо.