Российской Федерациянь МВД-нь охранно-конвойной службань важодицятне тешкстызь профессиональной покшчист. (ЭРЗЯ)
Те службанть историязо ушодовсь тёжа кавксосядт кавксоньгемень котоце иестэ, зярдо Александр третий Инязорось кемекстызе Российской империясо конвойной командань тееманть. Комсь иень ютазь кемекстазель конвойной службань васенце Уставось. Тежа вейксэсядт колоньгемень кавксоце иень панжиковонь кемколмовоце чистэ внутренней тевень раськень комиссариатось тешкстызе рабоче-крестьянской милициянь конвойной службань уставонть. Документэнь кемекстамонь датась саезель Россиянь охранно-конвойной службань чачомачикс. Охранно-конвойной службань чистэнть Мордовия республикава Россиянь МВД-нь прявттнэ ёвтась те службасо важодицятненень ды ветерантнэнень лембе валт. А сех вадря важодицятне тешкстазельть ледстнемань казнесэ, шнамонь конёвсо. Минек службань важодицятне топавтыть пек эрявикс тев. Сынь лездыть государствань судебной системань молемалувсонть. Сынст тевтопавтомаст эйстэ ашти весе судебной инстанциятнень важодемаст. Башка мель явови сетьненень, кие саезь стража алов ды ашти спецучреждениясо. Теде башка важодемасо прявтпутовксокс ашти истят ломантнень кирдемань условиятнень паролгавтомась ды закононь колыцятнень эйстэ эрицятнень ванстомась. Покшчинть марто ёвтатано седейшкавань поздоровт те службасо вожодицятненень ды ветерантнэнень. Арсетяно тенст важодемасо зыянтомочи, паро тевть важодемалувсо, кеме шумбрачи, уцяска, икелев молема ки!