Россиясо аштемковонь 26-це чистэ саезь тевс нолдави интернет-ресурстнэнь аволь судонь вельде кардамонь келейгавтозь механизмась, конанть нолдыть тевс манчемань схематнесэ (эрзя)

Киртямс совамонть зыянонь кандыця программа марто сайттнэнень эли сынст миемадо мельтненень-арсематненень. Судонь решениясь тень туртов а эряви: Генпрокурорось эли сонзэ полавтыцянзо кучить вешема Роскомнадзорс, теде мейле ведомствась кармавты связень оператортнэнень пекстамс ресурсонть. Мерась совась телефононь ды интернет-мошенничестванть каршо закононь омбоце пакетэнтень — «Антифрод 2.0». Рифат Сабитов ВГТРК-нь генеральной прявтонь полавтыцясь – ВГТРК-нь Региононь департаментэнь прявтось, РФ-нь Общественной палатань информационной сообществань, СМИ-нь ды массовой коммуникациянь виевгавтомань коряс комиссиянь председателесь тешкстызе, манчемань сайттнэнь пингстэ пек эряви реакциянь скоростесь, секс мекс сынь эрить аволь кувать. “Невтемга, сайтэнть нолдасызь валске, кучнить ссылкат тёжат ломантненень, пурныть банконь картатнень эли учетной сёрмадовкстнэнь даннойтнень ды уш чокшне ютыть од доменс, — мерсь РФ-нь Минцифрань Общественной Советэнь МАКС-каналсо Рифат Сабитов. – Истят ресурстнэс куроксто пекстамонь возможностесь кирти возможностень те вальманть ды меельцекс кирти потенциальной жертватнень ламочинть». Сон поладсь, «бути совамонть киртямга эрьваксть эряви ютамс кувака процедура, манчицятне кенерить топавтомс эсь бажамост». Закононть коряс арсевить лия тевтькак: ломаненть лангс банконь 20 картатнень лимитэсь, кото часос башка акемевикс ютавтоматнень кирдемась, раськеютконь гайневтематнес эсь прянь невтемась ды банктнень ды связень оператортнэнь од тевест. Норматне кармить совавтовомо аламонь-аламонь 2026-28-це иетнестэ.