Россиянь велень хозяйствань сёрмадстомась. (ЭРЗЯ)
Сёрмадстыцянть роботамонь чизэ ушодови ды прядови аволь вейкетьстэ. Эрьвась эйстэст васняяк ёвты ломантненень, кодамо шкасто сы. Чинзэ перть специалистэсь юты 10 адресст. Кодат кевкстемат кармить максовомо респондентнэнень уш содавикст – те кодамо площадьсэ ды кодат культурат кастыть, улить ли ракшаст ды кудонармунест. Целанек, те тевесь эрьва кудосо саи колоньгемень минутат. Весе даннойтне сёрмадовить планшетс. Сёрмадстоманть ушодовомсто саезь Мордовиясо уш пурназь информация 22 450 личной подсобной хозяйствадо. Те 13 процентт весе улицятнень эйстэ. Икеле ещё ковдо ламо. Россиянь велень хозяйстваньс сёрмадстомась карми молеме умарьковонь 15-це чис.