«Россиянь школасо тонавтницянь движения». (ЭРЗЯ)
Медьковонь 9-це чистэ «Инерка-2016» Образовательной форумсо улицятне кортасызь «Россиянь школасо тонавтницянь движения» вейсэндявксонть кастоманзо МР-нь территориясо. Форумонть роботасо кармить невтеме пря 600-до ламо ломанть. Те од ломанень эрьва кодамо вейсэндявксос совицят. Форумонь ютавтомань ёнкстнэнь эйстэ вейкекс карми «Лидерство» инициативной площадкась, конань рамкатнесэ юты «Россиянь школасо тонавтницянь движениясь» Мордовия Республикасо од ломанень сельмсэ» Форсайт-сессиясь. Од ломантне кармить кортамо Движениянть вандынь чидензэ ды ванкшносызь сонзэ кастомань лувонть. Истяжо форумс сыцятне кортасызь школасо тонавтницятнень од вейсэндявксонтень тердемань инновационной ёнкстнэнь. Теде башка эрьва участникентень мереви невтемс эсензэ проектэнть, конань анокстызе ськамонзо эли группасо, ды варчамс вийтнень од ломанень проектэнь коряс пелькстамосонть. Те лезды кастомс ёрокчи организациянь ды управлениянь тевсэнть, командань ды коалициянь пурнамосо. Теде башка весенень толковави, кода совавтомс эрямос проектэст. Теке жо чистэнть весе бажицятне молить «Связные истории» поисковой отрядонь регионъютконь слётонтень. Од ломантнень учить раскопкат ды леднемань коряс пелькстамот. Сынст цётамотнева карми кочказь сех паро отрядось. Изницятне казевить дипломсо ды питней казнесэ. Ледстясынек, што 2015-це иень ожоковонь 29-це чистэ Россиянь Президентэсь Владимир Владимирович Путин сёрмадстсь Указ «Россиянь школасо тонавтницянь движения» весероссиянь общественно-государственной эйкакшонь ды од ломанень вейсэндявксонь пурнамодо. Кода тешкстави документсэнть, те вейсэндявксонть прявт путовксозо – од ломанень кастомань тевсэнть государственной политиканть паролгавтомась ды Россиянь обществанть питнейчитнень кирдезь эйкакшонь кастомась.