Россиянь пенсионной системасо сы иестэ учовить полавтомат. (ЭРЗЯ)
Теде яволявтсь Республикасо Пенсионной Фондонь отделениянь прявтось Владимир Василькин. Якшамковонь 1-це чистэ саезь, а важодиця пенсионертнэнь страховой пенсиятне касыть 3 целат ды 7 кеменце пелькст процентс. Пенсиянь баллонь питнезэ, конань мельс саезь лововить страховой пенсиятне, якшамковонь индексациядо мейле карми 4 982 целковойть 90 трешникть. Эрьва пенсионерэнть касыця суммась карми эсензэ, сень лангс ваннозь, зяро баллтнэде. Теде башка, нолдави эрямос пенсиянь од лув- эйкакштнэнень, конатнень тетятне-аватне асодавикст. Неть эйдетненень, урозтнэнь марто вейс аравтозь, те шкас эзь пандово ярмакт тетяст –аваст ёмавтомга. Якшамковонь 1-це чистэ саезь пенсионертнэнень, конат туить важодема таркасто, индексациянь шкась киртяви вейке ковс.