«Россия — раськетнень кудо» весе Россиянь форум (эрзя)

Покш промкссонть ульнесь Артём Здунов Мордовия Республикань Прявтось. Омбо масторсто инжетнень, кирдивийтнень, общественной деятельтнень марто кортавсь государствадо, обществадо, коень питнечитнеде ды кудораськень эрявиксчиде. Минек эрямосо кудораськеде питней мезеяк арась. Малавикстнэ вечксамизь, лездыть тенек, ды тесэ минь марятано прянок сех уцяскавокс. Россиянь Президентэсь аволь весть кортнесь, коень питнечитне, конатнень ютксо, кудораськесь — те масторонок кеме юр.
Покш промкссо кортасть кудораськень сюлмавоматнень кемекстамодо, кастомадо, кудораськентень весеме ёндо лездамодо, тетядо, авадо ды ламо эйкакшто. Эсь кортамосо Мордовиянь Прявтось ёвтнесь республикасо топавтовиця кавто виев теварсевкстэ. Саемга, «Тонкая материя» теварсевксэсь касты кудораськень питнечитнень эйкакшонь кужосто саезь. Ёвкстнэнь вельде вишкинетненень ёвтнить тетядо-авадо ды кудораськень сюлмавомань кемекстамодо. Омбоце теварсевксэсь — «Шумбрат, авай». Сонзэ прявт смустезэ аравтозь чачтоманть кастоманзо лангс. Тесэ пешксесэ аватненень максови покш лездамо. Тагояк ламоксть кортасть лездамодо. Общественной вейсэндявкстнэнень, важодемань максыцятненень ды тиринь масторозонок улема кеме юрокс од, студентэнь, колмо ды седеяк ламо эйкакш марто кудораськетненень. Истя топавтовить масторонок политикань аравтоматне. Ламо эйкакшонь аватненень ёвтасть сюкпря покш важодеманть кис, макссть цецят, шнамо конёвт ды казнень сертификатт.