“Россия” невтемасо мереви содавтовомс Н.П. Огарёв лемсэ МГУ-нть марто (эрзя)
Панжиковонь 22-це чистэ ВДНХ-со юты Россиянь вузонь панжадо кенкшень чи. Мордовиянть пельде эсензэ топавкстнэнь тосо невтьссы Н.П. Огарёв лемсэ МГУ-сь. Программасонть эрьва кодат мастер-класст, лекцият, онлайн-квиз, наукасо топавксонь невтема ды ламо лия. 75-це павильонсо Мордовия Республикань стендсэ покшчинтень алтазь мероприятиятне ютыть 11 чассто саезь 18 часос. Покшчинь мероприятиятнень ютксо вузонь шкинемань коллективтнень пельде раськень морот ды киштемат, истяжо невтьсызь «Иненармунь» модань театрань сценань оршамонь коллекциятнень. Чинь перть мереви содавтовомс вузонь арсематнень-теематнень марто. 57-це павильонсо 11 чассто саезь 11 часос 35 минутас лекция ловить Н.П. Огарёв лемсэ МГУ-нь ректорось Дмитрий Глушко ды университетэнь од содыйтне. Сынь ёвтнить фотоникадо, инновациянь велень хозяйствадо, биотехнологиятнеде.