РФ-нь субъектнэсэ государственной ды тиринь кельтнень тонавтоманть коряс брифинг (ЭРЗЯ)
Рузонь, тиринь ды государственной кельтнень тонавтнемадо Президентэнть кармавтоманзо топавтовить! Минек регионось раськетнень ютксо ояксчисэ эрямонь коряс ашти васенце таркатнесэ ды Мордовиянь тонавтомань моделесь кадовкшны паро невтемакс масторонь лия субъектнэнь туртов. Тонавтомань планонь вариативной пельксэнтень вана уш зярыя иень перть совавтозь «История и культура мордовского края» ды «История культуры мировых религий» курстнэ. Тень пингстэ эрзянь ды мокшонь кельтнень тонавтомас совавтозь аволь ансяк лексикась ды грамматикась. Занятиятне сюпалгавтовить мельстуиця информациясо. Содазь, эрзянь ды мокшонь кельтне минек республикасо кантнить государственной статусонть. Секс содамс эйстэст эряви Мордовиясо эрьва эрицятнень. Государственной келень тонавтомас учебной плантнэсэ явовить таргозонзо кавто част. Сеть тонавтома организациятнесэ, конатнесэ государственной келесь тонавтневи кода тиринь кель, важодемась ветяви 1-це классто саезь 11-цес. Эрзянь, мокшонь кельтнень тонавтнемантень явови мель ВУЗтнэсэяк. Саемга, Огарев лемсэ МГУ-со нолдави тевс «Лингвистиеские и культурно-исторические особенности мордовского этноса» курсось. Неень шкане кортневить кевкстематне, кодамокс ули седе тов тонавтнемань ёнксось, карми-а карми путневеме питне уроктнесэ важодеманть кис; арсеви тонавтомань методикнаь полавтомась, од тонавтнемапелень нолдамось. Кода тешкстась Россиянь ф-у раськень ассоциацяинь советс совицясь Зинаида Акимова, Мордовиянь государственной келень эрьва урокось улезэ тонавтницянть туртов покшчикс.