РФ-нь наукань заслуженной деятелесь, профессорось Михаил Мосин тешкстызе 75 иень топодеманть. Заслуженный деятель науки РФ , профессор Михаил Мосин отметил 75 летие) ЭРЗЯ
Сонзэ наукасо кись ушодовсь 50 иеть теде икеле. Васняяк тонавтнесь Орданьбуень культурно-просветительской училищасо, конань прядомадо мейле седеезэ одс тердсь тонавтнемантень. Ды истя лисськак. Наукасо изнявкстнэнь сон теи мордовской государственной университетсэ. Тесэ сон важоди, вети аспирантт. Сонзэ мелензэ кувалт 2000 иестэ филологиянь факультетсэ панжови финнэнь-угрань ды сравнительной языкознаниянь кафедрась, конань прявтсо ашти нейгак. Эсензэ тонавтыцятнень лецтни ансяк паро валсо. Мель яви финнэнь-угрань кельтнень фонетикантень, морфологиянтень, исторической лексикологиянтень, валонь теевемантень. Эряви меремс, ламо тев тейсь эрзянь келенть кепетемантень Мордовиянть томбале.
Михаил Мосинэнь сеедьстэ некшнетяно Мордовиясо ютавтовиця келень, литературань коряс эрьва-кодамо конференциятнесэ. Теде башка, сонзэ парсте содасызь лия регионтнэсэ ды омбо мастортнэсэ. Теде кортасть сеть, кие ламо иень перть важодсь сонзэ марто.
Ламо лездась од ломантненень наукань киява молемга. Анокстась малав 20 наукань докторт ды кадидатт. Ськамонзо ды лия автор марто нолдась малав 200 важодемат, сынст ютксо 3 монографият, 10 валкст, школань ды вузонь туртов 18 тонавтомалезкст.
Эряви меремс, Михаил Васильевич паро мирде, тетя ды покштя. Нинзэ Валентина Григорьевна марто вейсэ малав 50 иеть. Кеменде ламо иеть Михаил Васильевич эрясь омбо масторсо. Кудораськезэ свал Саранскойсэль. Сон свал содась, што кудосо, эйкакштнэнь мельга ули паро ваныця-те низэ Валентина Григорьевна, конань марто трясть-кастасть кавто тейтерть. Покшось-Лариса Михайловна МР-нь заслуженной врач, Наталья тусь тетянзо киява-сон филологиянь наукань доктор, мель яви финнэнь келентень. Истя вейкень-вейкень кирдезь мирдь-нитне пачкодсть наукасо покш тёкшос. Эряви меремс, тень лангсо сынь эзть лотка ды поладыть наукасо кист!