РФ-нь наукань заслуженной деятелесь Леонид Тельцов тешксты 80 иень топодеманть! (ЭРЗЯ)
Содавикс профессоронть, биологиянь наукань докторонть , РФ-нь наукань заслуженной деятеленть Леонид Тельцовонь 80-нь иень топодемантень алтазь раськеютконь научно-практической конференция ютась Н.П.Огарёв лемсэ университетэнь аграрной институтсо. Леонид Тельцов чачсь медьковонь 23-це чистэ, Омск ёнкссонь Зимино велесэ. Прядызе велень школанть, мейле кармась тонавтнеме Омсконь ветеринарной институтсо, тоско жо прядызе аспирантуранзо. Теде мейле кувать важодсь Костромань пединститутсо, тосо идизе докторонь диссертациянзо. Аудиториясонть юбиляронть малавиксэнзэ ды коллеганзо, конат састь Россиянь 17 регионсто. Весе кортасть юбилярдонть ансяк паро валт, ламот тешкстасть седе, кодамо покш путовкс учёноесь тейсь науканть ды университетэнть туртов. Кортыть, ёроков ломанесь ёроков эрьва мейсэ. Наукасо топавтовкстнэде башка, Леонид Петрович сёрмады валморот, сонзэ лиссть 7 пусмонзо, козонь совасть морот ды валморот. Истя жо эрямосонзо покш мель яви спортонтень, Леонид Петрович – Россиянь боксонь коряс заслуженной тренер.