РФ-нь культурань министрань полавтыцясь Григорий Пирумов ванынзе Мордовиянь культурань зярыя объектнэнь. (Заместитель министра культуры РФ Григорий Пирумов осмотрел ряд объектов культуры Мордовии) ЭРЗЯ
Саранскойсэ сонензэ невтезельть С.Эрьзянь лемсэ изобразительной искусствань музеесь, раськень шкинемань кудось, оперань ды балетэнь театрась. С.Эрьзя лемсэ музейсэнть инженть вастсть скульпторонть вечкевикс капста ды панго марто прякасо. Музеень прявтось Людмила Нарбекова ёвтась сюкпря одкстомтозь музеенть кисэ ды евтнесь ине скульпторонть эрямодонзо: кудораськедензэ ды ерокчидензэ. Эрьзя роботась эрьва кодамо материал марто: цементстэ ды мраморсто саезь, чувтонь питней породас. Экспозициянь сех покш питнейчитнестэ вейкесь, те, нама «Моисей». Инжесь тейсь скульптурань фотография. Музейсэ можна ваномс а покш 3D фильма скульпторонть эрямодонзо, эрьва косо стявтозь информационной интерактивной панельть. Теде башка Григорий Пирумовнень невтизь живописеценть Федот Сычковонь экспозициянзо.
Седе тов ванкшнозель Республикань культурань кудось. Сонзэ прявтось тешксты, што тесэ теезь весе условиятне ломантнень парсте шкань ютавтомантень. Россиянь культурань министрань полавтыцясь ванкшнызе и Яушев лемсэ оперань ды балетэнь театранть. Сонзэ залонтень кельгить 714 ломанть, сценанть покшолмазо 400 квадратной метрат. Татьяна Перова тешксты, залонь акустиканть ды театрань технической оснащениянть топавтызь Россиянь келес содавикс специалист. Мордовиянь культурань министранть валонзо коряс, те лездась ламо спектаклятнень ютавтомс од сцена лангс. Тесэ ваныцятне неизь «Кармен» балетэнть.
Инжесь ванкшнызе и вейсэндявомань 1000 иетненень алтазь площаденть. Тосо покш кев лангсо теезь 10-це пингень карта ды Кельгининской калмазырьстэ муезь Рюриковичень тешкс марто подвеска.
Седе тов инжесь ды Мордовиянь Прявтось одктомтомадо мейле панжизь Л. Кирюков лемсэ музыкальной училищанть. Училищань прявтось Оксана Симкина невтизе инжетнень туртов од зданиянть. Одкстомтомась ютась 2011-це иестэ саезь ды сонзэ эйс ютавтозельть федеральной ды республиканской бюджетнэстэ 373 миллионт целковойть. Покш концертной залсонть 300 озамо таркат. Училищань 50 тонавтницятне меельце колмо иетнень перть лиснесть изницякс профессиональной пелькстамотнесэ.