Республикать столицаса ушедсь «Шумбрат, Мордовия!» фестивальсь (В столице республики стартовал фестиваль «Шумбрат, Мордовия!») МОКША

Республикать столицаса етксшиста, 24 октябрьста, ушедсь «Шумбрат, Мордовия!» народнай творчествань Республиканскяй 19 фестивальсь. Панжезь сонь етай кизонь гран-принь сявихне – Чамзинскяй райононь артисттне.
Эрь кизоня «Шумбрат, Мордовия!» фестивальсь кочксесыне асуфнень еткста инь асуфнень. Отчетнай концерттнень пингста кайгихть эрь кодама морот, няфневихть кштимат. Фестивальсь арась афкукс народнайкс. Тянь квалма корхтай ся, што билеттне отчетнай концерттненди мишендевихть инголькиге.
Концертта инголе художникне и маштыкядь лия ломаттне няфтезь эсь тифснон кочкаф выставкаса. Пяк пара, што синь ётксост лама од ломаньда. Ёмлатне аф аньцек кштийхть и морайхть, но и рисавайхть, керсихть шуфтста эрь кодама налхкшт.
Тядде «Шумбрат, Мордовия!» фестивальсь лемтьф Сяськомань шить юбилеенцты и Россияса Литературань кизоти. Сяс кайгома кармайхть аф аньцек морот, но и стихотвореният.
«Шумбрат, Мордовия!» фестивальть гала-концертоц етафтови 12 декабрьста Саранск ошса.