Республикать столицаса етась «Ветеранские строки» книгать презентацияц (В столице республики прошла презентация книги «Ветеранские строки»)МОКША
Тядде топодсь сизьгемонь кизот Сяськомань шиста. Тя юбилейти лемтьфоль «Ветеранские строки» книгать презентацияц. Сон кочказень марса поэттнень, журналисттнень и поэзиянь кельгихнень. Сборникть тиражец — вете сятт экземпляр. Эсонза республикань ветераттнень стихсна войнать колга, стака идькс пингть квалма.
Книгать аноклаенза азондозь, кода вятевсь работась изданиять лангса. Илас саф авторхне лувозь стихснон пуромфненди.
«Ветеранские строки» книгаса кочкафт колмогемонь кота авторонь произведеният. Ужяленди, но нинге лама стихта ашезь сува тя изданияти. Тяфтама сборникне лездыхть од ломаттненди сяда лама содамс войнать колга, войнада меле стака кизотнень квалма.