Республикать столицаса етась «Пересвет» межрегиональнай образовательнай форумсь (В столице республики прошел межрегиональный образовательный форум «Пересвет») МОКША
«Пересвет» межрегиональнай образовательнай форумсь кочказень марса православнай од ломаттнень, конат вятихть эрь кодама тефт церькафнень видеса. Форумть целец — лездомс пуроптомс Приволжскяй федеральнай округса од ломанень православнай организацият. Сяс участникнень мархта ётафневсть мастер-класст, круглай шрат и эрь кодама занятият.
Форумть панжема сашендсь лама содаф инжида. Синь арьсесть участникненди касфтомс содамашиснон, сяда тов вятемс цебярь тевснон. Тяда башка, васедемаса участникне няфтезь проектснон и инь цебярьхне казьфтольхть питни казнеса. Тя илась – васенцесь, но кочкаенза арсихть васетькшнемс сяда сидеста.
«Пересвет» межрегиональнай образовательнай форумсь работась вете шит. Нюрьхкяня пингста од ломаттне получасть эрявикс содамошит, конат кондястихть эрь кодама тевонь вятемста. Тя пуромкссь лезды участникненди ваномс фкя-фкянь сатфксснон, марса сяськомс эрь кодама стакашитнень. Вдь Шкайти верондамась максси вийхть эрямс, тиендемс цебярь тефт.