Республикасонок юты «Инерка-2015» од ломанень форумось. (В Мордовии продолжает работу молодёжный форум «Инерка-2015») ЭРЗЯ

Те иень форумонь башкачикс кармась се тевесь, што ютавтови сон кавто сменасо. Васенцесэнть оймсить эйкакшт, конатненень арасть 18-во иеть. Омбоцесэнть кармить од ломанть 18-во иестэ саезь. Весемезэ те иестэнть «Инеркасо» ёрокчист невтьсязь тежа од ломанть. Нама, эрьва сменанть эсензэ ёнксонзо. Эряви меремс, те кизэнтень минек республикань од ломантнень туртов анокстасть ламо проектт.  «Инеркадонть» икеле ульнесть «Террритория смыслов на Клязьме» ды «iВолгась». Ней ютыть «Инеркась» ды «Тавридась». Тешкстасынек, эрьва форумной компаниянть ули грантовой фондозо, кона явови сех паро проектнэнь юткова. Тееви те сень кисэ, штобу сынст автортнэ панжовлизь эсь проектнэнь смустест ды невтевлизь сынст лезэвчист.