Республикасонок ушодовсь «Шумбрат, Мордовия!» фестивалесь-пелькстамось. (ЭРЗЯ)
Эрьва ие фестивалесь-пелькстамось республикасонок юты зярыя ковонь перть. Те иестэ алтави сон колмо покш дататненень: Феодор Ушаковонь кулома чистэнзэ кавтосядт иень топодемантень, Советской Союзонь Героенть Михаил Девятаевень чачома чистэнзэ сядо иень топодемантень ды Ине Октябрьской революциянь сядо иень топодемантень. Те фестивалень сех учовикс. Эрьва ие эйсэнзэ невтить пря 90 – нде ламо морыцят, киштицят, кедьчелькев ломанть. Покш Игнатова буень, Протасова велень «Эрзянь авинеть» ансамблянтень малав 40 иеть. Свал паро мельсэ сакшныть те фестивалентень. Вейкеяк концерт а менстить свалшкань ваныцятне, конат теске жо морсить нурька морот вечкевикс коллективтнень марто. «Мастерство земли Мордовской» изобразительной ды декоративно-прикладной шкинемань выставканть ванызь аволь ансяк сыцятне. Питне тензэ путсть жюрись, сонзэ эйс совицятне кортасть эрьва мастерэнть марто. Людмила Семенова вейксэ иеть теде икеле кармась кодамо ды ней кедензэ алдо лисить мазый оршамопельть ды налкшкеть.Фестивалесь юты эрьва оймсема чи. Гала-концертэсь карми ацамковонь кеменце чистэ.