Республикасонок прядовсть «Седяк, гармония!» фестивалень отборочной туртнэ. (В республике завершились отборочные туры фестиваля «Играй,гармонь!») ЭРЗЯ

«Седяк, гармония!» пелькстамось республикасонок кармась учовицякс фестивалекс. Сонензэ анокстамось районтнэва моли иень перть. Отборочной туртнэ прядовсть, а сех ёроковтне эсест шкинемаст невтьсызь эйзюрковонь 12-це чистэ республикань культурань кудонь сценанть лангсо. Эрьва иень «Седяк,гармония!» фестивалесь-пелькстамось республикасонок юты кавто ковонь перть-даволковсто ды эйзюрковсто. Кода свалгак сонзэ ютавтыцятне – культурань, туризмань министерствась ды республикань шкинемань кудось. Те разнэ сонзэ темакс кармась кинонь иесь.  Гала-концертсэ кунсолыцятне ды жюрись марясызь ансяк ушодыцятнень ды содавикс лем марто морыцятнень ды налксицятнень: солисттнэнь, гармонистэнь ансамблятнень. Фестивальсэнть кармить гайгеме фольклорной мелодият, неень шкань обработкасо народной морот ды авторской произведеният.
Кода свалгак истямо пелькстамосо стака аволь ансяк морыцятненень-седицятненень, стака жюринтеньгак. Кода кемевтимизь республикань раськень шкинемань кудосо, те иестэяк фестиваленть вельде лангс ливтевить од лемть.