Республикань школатнесэ моли Государственной экзаментнэнь максома шкась. (ЭРЗЯ)
Те иестэнть саезь Мордовиясо экзаменэнь максома пунктнэсэ региональной общественной наблюдательтнеде башка роботыть лия регионсто ваныцяткак. Кевейкееце классонь прядыцятнень туртов аттестатнэнь макссызь, бути сынь кочкить комсьнилее балдо аволь седе аламо. Тешкстасынек, экзаменэнь максома таркатнесэ ветяви онлайн видеонаблюдения. Кевейкеецэ классонь прядыцятне Вейкине Государственной экзаментнэнь уставасть максомо панжиковонь 27-це чистэ саезь ды поладсызь аштемковонь 30цес. Вейксэце классонь прядыцятне ушодызь Основной Государственной экзаменэнть максомо те ковонь 26-це чистэ саезь, прядсызь аштемковонь комсьвасенце чистэ. Рузонь келенть коряс анокстазельть комськавтово максомань пункт, сынст эйстэ кавксотне – Саранскойсэ. Совамодо икеле весе улипарост тонавтницятне кадсызь коридорсо. Классос совавтыть ансяк ручкат, паспорт, ведь ды шоколад. Ситуационной центрасо важодицятне несызь, кода моли экзаменэнь максомась. Кевейкееце классо васенце экзаменэнть мельга ванность сисем наблюдательть. Кода карминек содамо ушодксось Мордовиянть туртов ульнесь пек паро, кодаткак коламот арасельть. Видеокамерань сёрмадовксось карми ванстовомо малав ие. Эрьва ваныцянть икеле ноутбукто башка ули телефон, кона сюлмавозь аудиториятнень марто. Бути неить кодамояк коламо, ваныцясь сеске гайневти экзаменэнь максома аудиторияс, корты тонавтыцятнень марто.