Республикань краеведениянь музейсэ панжовсь лия ёнов а молиця выставка (В республиканском краеведческом музее открылась уникальная выставка) ЭРЗЯ

Эрзя-мокшонь оршамопелень, раськень орнаментэнь интерпретация, раськень искусствань лувсо анокстазь сувенирт! Республикань краеведениянь музейсэ панжовсь лия енов а молиця выставка.
«В народных традициях» — истя лемдизь выставканть –коллажонть музеень важодицятне. Декоративно-прикладной творчествань 4 мастерэнь роботатне мазылгавтыть-пештить экспозициянть. Эрьва-кодамо техникань, материалонь тевс нолдазь, кезэрень коень ды неень шкань вешевкстнэнь кирдезь, ёроков ломантне анокстыть лия енов а молиця теевкст.
Светлана Сараева- артыцясь викшнеманть лови шкинемань енкстнэнь ютксто сех вечкевиксэкс. Сонзэ викшнезь нардамонзо, столь ланга вельтявксонзо киньгак а кадыть мельтеме! Эсь ёрокчинть авась мельспаросо максы эйкакштнэнень, конат тонавтнить Рузаевкань художественной школасо.
Пурнавозтне тешкстыть, невтезь важодематнень вейсэнди вейке – эрзя-мокшонь викшневкстнэнь вельде минек раськеде информациянь ванстомась!
Учови, те невтемась карми улеме «Письмена» музеень од, лия енов а молиця проектэнь прявт лувокс.