Республикань калонь кундсицятнень ютксо ютавтозель пелькстамо (Среди республиканских рыболовов провели соревнования) ЭРЗЯ

Валскестэ саезь «Старт» стадиононть вакссо улиця сёлтонть чиресэ ламо ломанть. Тесэ юты калонь кундсемань коряс пелькстамо. Малав 40 калонь кундсицят састь республикань 22-во районстнэстэ. Пелькстамонь правилатнень коряс калтнэнь эйсэ мереви кундсемс ансяк вейке ульма лангс. Кундсицятне явовсть иень коряс вете группас, конатнесэ зярыя номинацият. Эряви меремс, пелькстамонь анокстыцятне изницятненень анокстасть казнеть-те калонь кундсемань лездамопельть ды сертификатт, конатнень казизь ансяк сех нардевтненень ды удалавтненень. Меельце шкасто калонь кундсема тевентень мель явить аватнеяк. Тамара Ивановна калт кундсесь эйкакшпорасто саезь. Мейле кудоютконь тевтне кармасть саеме ламо шка ды авинесь кадызе те тевенть. Ансяк пенсияв туемадо мейле сон одс саизе кедьс ульманть ды а янкси! Истямо пелькстамосо  виензэ варчни малав 20 иень перть. Пелькстамонь цётамокс кармась кундавксонь онгстнемась. Сень лангс апак вано, што  се чистэнть мольсь пиземе, калт кундасть. Сех стакакс кармась Ромодановань райононь кундсицянть юдмазо-3 килограммат 200 граммат.