Регионсонок туризмадо (эрзя)
Туризмась Мордовиясо топавтынзе весе аравтоматнень раськень теварсевксэнть коряс 100 процентс. Федеральной ярмактне, конат нолдазельть тевс туризмань кастомас ютазь иестэ, ютавтовсть весе. Истя 2023-це иестэ Мордовиянь туризмань сферас федеральной бюджетстэ явозельть 84,2 миллионт целковойть, региононь софинансированть мельс саезь те суммась кассь 85,9 миллионт целковойс. Теде башка, теварсевкстнэнь топавтомас ютавтозельть частной инвестициянь 40 миллионт. Грантонь лезксэнть вельде топавтозельть 11 теварсевкст: пляжень 7 таркас ды 4 «Зов торамы» раськень маршрутонь инфраструктурань кастомас, косо карми невтевеме раськень ярсамопелесь. Оймсемань пляжень таркатне панжовить 2024-це иестэ сезононь ушодомантень. Панжомадо икеле пляжтнэ ванновить ведомстватнень ютконь комиссиясонть, Минлесхозонь, МЧС-нь ды Роспотребнадзоронь региононь специалисттнэнь марто вейсэ. Ванномань режимсэ уш важодить зярыя объектт: «Шумбра чи!» фудтракось, «Саранск» гостиницанть вакссо Инжень таркась ды «Иненармунь» этно-террасась. Отраслянтень субсидиятнень явомась «Туризм и индустрия гостеприимства» раськень теварсевксэнть лувсо поладови 2024-це иестэнтькак.