Региононь паксятнесэ поладови норовонть урядамось (эрзя)
Пертьпельксэнь аксунчитнень лангс апак вано, аграрийтне топавтыть эсест тевест! Пивсэзь 434 тёжадо ламо тоннат сюро – те 67 процентт весе озимой сюротнень эйстэ.
Ракшань трямонть туртов анокстазь 420 тёжадо ламо тоннат сенаж ды 21 тоннат тикше. Республикань паксятнесэ важодить 1150 комбайнат. Сталмонть малав пелензэ саизь эсест лангс отраслянь прявт холдингтне – «Хорошее дело», «Талина» ды «МАПО» компаниятнень группатне. Ютазь иесь Мордовиянть туртов кармась рекордонь – сюронь пурнамось малавгадсь 2 миллион тоннас. Тедеде вадря пертьпельксэнть пингстэ регионсонок арсеви пурнамс малав 1 миллион 755 тёжат тоннат сюро, 1 миллион 25 тёжат тоннат ламбамо якстерькай, истя жо 169 тёжат тоннат оень культурат ды 90 тёжат тоннат эмежть.