Региононь образованиянь министерствасо ютась кругловой стувор экшсэ вастовома, кона алтавсь тиринь ды МР-нь государственной кельтнень тонавтомантень (ЭРЗЯ)
Талновтыця кевкстематнень коряс кортамосонть ульнесь образованиянь министрась Галина Явкина, тонавтомань организациянь прявтт, тонавтыцят, культурань ды раськень политикань министерствань, Мордовиянь универститетэнь ды пединститутонь, общественностень, тонавтомань интстиутонь ды тонавтомань управлениянь представительть. Тешкстасынек, Мордовиянь весе тонавтомань организациятнесэ тонавтомась моли рузонь кельсэ. 2017-18-це тонавтома иестэнть учебной планс совавтозь «Родной язык и родная литература» тонавтомань ёнксось. Тонавтомась ветяви программань ды методикань коряс анокставксонь улемга. Тетятне-аватне сермадыть яволявтомат, конатнесэ тешкстыть эсь тиринь келест ды се келенть, конанть карми тонавтнеме эйкакшост. Тонавтнема иень 2-це пельксстэ кода тиринь келень предмет, карми тонавтовомо рузонь келеськак. Школатнесэ, косо мокшонь ды эрзянь келесь тонавтовить, кода тиринь кель, тонавтомась ветяви 1-це классто саезь 11-цес ды максови лангозонзо таргозонзо 3 част. Теде башка Мордовиянь школатнесэ тонавтови кода тиринь – татаронь келесь ды литературась. Мордовиянь образованиянь министерствась максы рекомендацият тонавтомань организациятненень совавтомс учебной планс эрзянь ды мокшонь, минек республикань государственной, кельтнень. Тонавтомась ветяви 2-це классто саезь 7-цес. Арсеви кадомс таргозонзо 2 част. Келесь кочкаволь тетятнень-аватнень, эйкакштнэнь бажамост мельс саезь. Мельтне улевельть кемекстазь тонавтницятнень, тетятнень-аватнень вейсэндявкстнэнь промксонь ютавтомань протоколсо. Конатнесэ, эряви кортнемс Россиянь государственной келенть ды Мордовия Республикань государственной келенть эрьва тонавтома организациясо тонавтнемадо кевкстематне.