Региононь министрань кабинетэнь промкс. (ЭРЗЯ)
МР-нь Правительствань Прявтось Владимир Сушков ютавтсь совещания региононь министрань кабинетс совицятнень марто. Васняяк кортазель, кода республикасонть ютасть од иень кенярксчитне. Стакачить ды кажов тевть пек эзть лисне, ЖКХ-сь, килангонь службатне, катастрофань медицинась роботасть штатонь лувсо. Аволь стака коммунальной тевтне топавтовсть сеск. Тенень тувталокс ульнесь од иень каникулатнес парсте анокстамось. Владимир Сушков седе тов кепедизе ломантненень шкастонзо эрявикс ормаменьксэнь пачтямодо кевкстеманть. Эзь кадово мельтеме и «Молодая семья» программась, конась те иестэнть поладови Мордовиясо. Промксонь покш пельксэсь алтавсь 2018-це иень футболонь коряс масторлангонь чемпионатонтень эрявикс объекттнэнь анокстамонтень. Кортамось мольсь футболонь стадиондонть, «Тавла» эрямонь комплекссэнть кудонь ды эрявикс инфраструктурань стявтомадо, аэропортонь комплексэнь модернизациядо, од отелень стявтомадо ды ламодо лиядо. МР-нь Правительствань Прявтось мерсь, што регионось парсте топавты анокстамонь программанть ды неть топавтовкстнэнь эряви аволь ансяк ванстомс, но и кастомскак.