Рав кужонь финнэнь-угрань раськень культурань курось кемекстась зярыя ладямот. (ЭРЗЯ)

Вейкесь Татарстан республиканть марто, омбоцесь Московонь правительстванть пингстэ региональной землячествань координационной советэнь од ломанень вейсэндявксонть марто. «Равось – ояксчинь лей» экспедициянь молема лувось ладязель истя, што эрьвась мусь тесэ эсензэ коряс тев. Вейкеяк ломань эзь майсе тевтеме. Вастовомадо, семинардо, культурной программадо башка сонзэ ютавтыцятне ламо важодсть раськетнень, регионтнэнь, вейсэндявкстнэнь марто ояксчинь ладявоманть коряс.  Фестивалень молема читнестэ Мордовиясь кемекстась кавто ладямот.

Московонь Правительствань пингстэ координационной советэнь региональной землячествань од ломанень вейсэндявксось важоди 2011-це иестэ саезь.  Прявт путовксозо – пурнамс вейс Московсо эриця ламо раськень од ломантнень, кемекстамс ютксост ояксчисэ эрямонть.

       Истямо сюлмавомань кемекстамось седе малавгавтызе Мордовиянть Татарстанонть ды Московонть марто. Нама, сюлмавоматне ульнесть, те иень умарьковсто саезь РФ-нь неть субъектнэ кармить кирдеме валмаксома вейкест-вейкест икеле, топавтомо сеть тевтнень, конатне кемекстазь соглашениятнесэ.