Раськеютконь финно-угроведэнь конгресстэнть(О Международном конгрессе финно-угроведов) ЭРЗЯ
Весераськень финно-угроведэнь конгрессэсь ютавтови вете иес весть. Сонзэ ютавтыцякс кармасть Россиясь, Эстониясь, Венгриясь ды Финляндиясь. 12-цесь аволь умок ютась Суоми масторонь Оулу ошсо. Конгрессэнть важодсть масторонь келес содавикс кельсодыйтне, археологтне, историктне, фольклористнэ, этнографтнэ ды литературоведтнэ. Финляндиясь те конгрессэнть ютавтызе нилецеде. Конгрессэнть арасель вейке тематика, теке марто программасо кирдевсть наукань коряс кевкстематне. Весемезэ Суоми масторсо те разнэ пурнавкшность ученойть комсь вейке масторсто. Мордовиясто делегациясь сех покшоль. Седе тов ученойтне важодсть симпозиумсо. Секциява важодемась ютась вейке пельксэнь кевкстематнень коряс. Минек ученойтнень докладост ульнесть пек парт ды мельстуицят. Докладонь анокстыцятне ды кунсолыцятне прасть мельс-стакачить улить, теке марто неть стакачитнень муевить витнема кист. Профессоронть, кельсодыенть Любовь Водясовань докладозо алтазель концептентень. Те од направлениясь келейсэ кармась нолдавомо. Конгрессэнть васняяк кортасть финно-угроведениянь кевкстематнеде. Шканть марто полавтовить ванкшномань методтнэ, ней седе ламо тевс нолдавить компьютерной технологиятне. Ученойтнень ютксо истят вастовоматнень ней можна теемс скайп ды видео-конференция вельде. Но кода карминек содамо, сынст ули покш мелест вастневемс истямо покш конгрэсстнэсэ. Тосо сынь кортыть эсь ютковаст, кепедить актуальной кевкстемат, арсить кода топавтомс вейсэнь проектнэнь.