Раськень теварсевкстнэ велесэ (эрзя)
Дубёнкасо прявт куншкакурось, Поводелесэ общественной кавто ды кудотнень перька 4 таркат – истят вете иень перть цётамотне Дубёнкакнь буесэ «Формирование комфортной городской среды» проектэнь «Жилье и городская среда» раськень теварсевксэнть лувсо.
Буень прявтвелень эрицятнень туртов паро тевекс кармась Денисовонь куросо таркань паролгавтомась. Одкстомтозельть вельтявкстнэ, ютавтсть ульцянь валдомтомат, калавтозельть таштотне. Куронь мазылгавтомапелекс теевсь «Дубёнки» сёрмадозь лемесь.
Поводелесэ раськень теварсевксэнть лувсо теезель покшчинь ютавтомань туртов лато ды эзем марто тарка. Истя жо тосо паролгавтызь эйкакшонь спортонь куронть: путсть налксемань оборудования ды тренажёрт, анокстызь чийнемань кинть.
2024-це иестэ арсеви паролгавтомс культурань ды оймсемань парконть, одкстомтомс эряви покшчитнень туртов ютавтомань тарканть.