Раськень теварсевкстнэ тевсэ (эрзя)
Раськень теварсевксэнть вельде Мордовиянь бизнесэсь кастови мик декретсэ аштемстэяк.
Региононь индивидуальной предпринимательтненень ды самозанятойтненень поладови Мордовия Республикань экономикань, микшнемань ды предпринимательствань Министерстванть ды «Мой бизнес» Куншкакуронть пельде «Малое и среднее предпринимательство и поддержка индивидуальной предпринимательской инициативы» раськень теварсевксэнть лувсо, конань яволявтызе Президентэсь ды ашти Андрей Белоусов васенце вице-премьерэнть вановтонзо ало, государстванть пельде лезксэнь максомась.
Лезксэсь максови ламо аватненень-предпринимательтненень, конат декретсэ улемстэяк поладыть эсест бизнесэнть. Бизнес-аватнень эйстэ вейкесь, конань содасызь Мордовиянь томбалеяк – Ирина Герасимова. Тевезэ – стамонь производствась. Тейтересь сты оршамопелень бренд, кона вечкевсь масторонь келес ломантненень.
«Мой бизнес» Куншкакуросо Иринанень максозельть тевсэ-валсо зярыя лездамот, конат кепедизь бизнесэнть лия эскельксэс – ливтизь маркетплейстнэс.
«Декретсэ улемстэ государстванть пельде лездамось аволь ансяк ванстызе бизнесэнть, теке марто кастызе производствань вийтнень, — корты Ирина Герасимова. – Ушодовсь весе мель путомасто, ды монь вечкевикс тевем бойкасто кассь весе эрямонь тевс.
Васня монь ульнесь аволь покш ателье, раськень теварсевксэнть лезксэнзэ вельде мон панжинь поладомань тарка ды лисинь маркетплейстнэс, ушодовсь «КАМАЗ» ардомапелень теемань заводс специальной оршамопелень стамось».
Эзь юта ковдак, кода Ирина изнизе пелькстамонть ды кемекстызе ардомапелень покш предприятиянть марто васенце тевконёвонть. Теньс тейтересь эзь лотка, республикань делегациянть лувсо якась «ГАЗ» заводов ды кемекстась специальной оршамопелень стамос од, покш контракт. Ютазь иень панжиковсто тейтересь невтизе эсензэ оршамопелень брендэнть Казанень исламонь покш форумсо.
Цётамга – продукциянть малав весе рамизь форумонь васенце чистэ. Истя, государстванть пельде лезксэнь видечис нолдамось кемевтизе Иринань, сонензэ изняви ламось, бути вакссот вишка эйкакшкак ды тон аштят сонзэ мельга якамонь оймсемасо.