Раськень теварсевкстнэ тевсэ (эрзя)
Меельце 5 иетнень перть Зубова Полянань буесэ редявить покш полавтомат. Тевтне ветявить «Формирование комфортной городской среды» ды «Жильё и городская среда» теварсевкстнэнь лувсо. Теварсевксэнь прявт таркасо ашти эрицятнень паролгавтомань таркатнень кочкамось. Истя, вайгелень максоманть мальде, паролгавтомань таркакс кочказель Зубова Полянасо культурань ды оймсемань парконь одкстомтомась.
Паркось теевсь асодавиксэкс: ялго ютыцятненень ды велосипедсэ ардыцятненень, парт ялго ютамо таркат, шукшонь мазый паргот ды эземть, пиже чувтотне ды неень шкань валдомтоматне теить те тарканть одов аёвтавиксэкс.
Маласо шкасто паркось пештяви неень шкань налксемань кужотнесэ, кизэнь эстрадасо ды оймсемань туртов поладомань куротнесэ.
Покш полавтомат теезельть весе буень кудотнень перька таркатнесэ: одкстомтовсть Зубова Полянань, Явасонь, Умётонь ошонь поселениятнень кудотнень перька 43 таркат.
Одкстомтозельть кудотнес ардомань ды ялго ютамонь китне, путозельть эземнеть, шукшонь паргот, ютавтозель ушова валдомтома. Башка саезь, Умётсо Озёрная куронь 7-це номер кудонть вакссо путозель эйкакштнень туртов куро.
«Формирование комфортной городской среды» теварсевксэсь теевсь раськень покш проектэнь пельксэкс, конань яволявтызе Россиянь Президентэсь. Неть теварсевкстнэнь эрямос совавтомась канды покш лезэ эрямонь весе ёнкстнэсэ, кепедьсы ломантнень эрямонть парос ды лезды регионтнэнь кастомасо.