Раськень теварсевкстнэ Рузаевкасо (эрзя)
Рузаевкасо Куйбышевень куросо Славань аллеясо «Формирование комфортной городской среды» программань «Жилье и городская среда» раськень теварсевксэнть лувсо ушодовсть паролгавтомань тевтне. Аллеянь башкачикс карми валдомтомась: валдонь палминетне Россиянь масторкодстонь тюсстнэнь валдомтоманть марто. Одкстомтови ротондась, полавтсызь брусчатканть ды асфальтонь вельтявксонть, путовить од эземть ды шукшонь чакшт. Мель явови пижелгавтомантеньгак: арсеви теемс луганар, путомс чувтот ды куракш, истят кода туят, спиреят, гортензият, можжевельник. Истяжо одкстомтозь таркасонть арсеви видеованномань системань теемась. Рузаевкань буень прявтось Александр Юткин ды ошонь администрациянь прявтось Алексей Домнин вастовсть тевень топавтомань организациянть марто ды кортызь важодемань молеманть. Кортави пирявкс удалонь таркань ванськавтомадо кевкстемась. Ледстясынек, чадыковонь 30-це чис поладови 2025-це иестэ общественной таркатнень паролгавтомас весе Россиянь вайгелень максомань кочкамось.
Рузаевкасо одкстомтомас бажить вейсэнь кавто таркат: Вокзалонь куншкакурось ды Луночарскиень куросо боевой техникань менель ало музеесь.