Раськень теварсевксэсь республикасонок (эрзя)
«Жилье и городская среда» раськень теварсевксэнь «Обеспечение устойчивого сокращения непригодного для проживания жилищного фонда» региононь проектэнть лувсо 2023-це иестэ Мордовиянь 1 тёжадо 600 ламо эрицят тешкстызь од кудос совамонть. Сынст лия таркас кучизь каладыця эрямо таркатнестэ.
Неть тевтнес ютавтозь 1 миллиард 600 миллионт целковойть. Истяжо эрямо таркатне максовсть эрямонь тевс а нолдавиця фондсто. Зярыя кирдицятненень пандовсь саевиця тарканть кис рамамонь питнесь. Теде башка, каладыця кудотнестэ ютавтозетненень республикасонок стявтозельть ды тевс нолдазельть ламоквартирань 2 кудот: Рузаевкасо К.Марксонь куросо ды Инсарсо Советской куросо. Эряви тешкстамс, Мордовиясо 5 иетнень перть каладыця кудотнестэ лия эрямо таркат максозельть малав 5 тёжат ломатненень.