Раськень теварсевксэсь лезды туризмань кастомантень (эрзя)
«Туризм и индустрия гостеприимства» раськень проектэнь «Развитие туристической индустрии» региононь теварсевксэнть лувсо 2024-це иестэ Мордовиянтень федеральной бюджетстэнть «Развитие туризма» Россиянь государствань программань невтевкстнэнь кастомга максозь 30 миллионт целковойсэ вейкине субсидия. Республикань бюджетстэнть софинансированиянь покшолмась – 600 тёжадо ламо целковойть. Неть ярмактне кучовить туристэнь инфраструктурань кастомас общественной инициативатнень ды проекттнэнь государствань лезксэс.
Ней анокстави региононь вейкине субсидиянь явомань мельга-мельцек молемань лусось. Арсеви кирдемс теварсевкстнэнь седе тов ёнкстнэва: туристэнь од маршруттнэнь анокстамось, туристэнь од оборудованиянь рамась, кемпингэнь-аштемань ды кемпингень лоткамо таркань объекттнэнь теемась. Кирдевиця теварсевкстнэ содавить пелькстамонь кочкамонь цётамотнень коряс.
Вейке саицянтень кочказь лувонть коряс субсидиянь сехте покш суммась — 5 миллионс целковойс, тень пингстэ эряви 100 процентэнь софинансирования. Кочкамос нолдавить индивидуальной предпринимательтне ды организациятне, государствань ды муниципальной организацият кочкамос а нолдавить.