Раськень проекттнэ бизнесэнтень лездамга (эрзя)
Мордовиянь самозанятойтне кастыть продукциянь виевчинть госкомпаниятнень марто.
Ютазь иестэ Мордовиянь самозанятойтне госкомпаниятненень мийсть товарт ды макссть услугат 31 миллион целковойс, мезесь малав кавксть седе покш региононь невтевксэнть коряс, кона кемекстазель 2022-це иестэ. Те топавтови «Малое и среднее предпринимательство» раськень теварсевксэнь лезксэнть вельде, конань яволявтызе Президентэсь ды ашти Андрей Белоусовонь васенце вице-премьерэнть вановтонзо ало.
Ледстясынек, вишка ды средней предпринимательствань Корпорациясь покш заказонь максыцятнень марто вейсэ региононь лезксэст вельде самозанятойтнень туртов, конатнень мельсэ теевемс покш заказонь максыцятненень поставщикекс, ютавты тонавтомань мероприятият.
2019-це иестэ саезь эйсэст ульнесть уш 6 тёжадо ламо ломанть масторонок келес. Тень пингстэ ансяк ютазь иестэ самозанятойтне Россиянь весе субъектэнь госкомпаниятненень макссть товарт ды услугат теде икеле авастневиця 7 миллиардт целковойс, мезесь истяжо кастызе невтевксэнть малав кавксть. Тень пингстэ кассь поставщиктнень ламочиськак, ней эйстэдест малав 8 тёжат ломанть, конат важодить профессиональной доходс налогонть лувсо.
Се шкане кода 2022-це иестэ Россиясо истят поставщиктнеде ульнесть ансяк ниле тёжат ветесядт. Ютазь иестэ, 2022-це иенть коряс, рамамонь покшолманть касомась тешкстави лезксэнь услугатнес, конат сюлмазь финансонь максомань куншкасо аштеманть ды страхованиянть марто, тесэ касомась ламолгадсь сядоксть.
Истяжо, сех вастневиця услугатнень ютксо ютазь иестэ ульнесть шкинемань ды микшнемань тевтнень ванномань, рекламань, искусствань ды ютко шкань ютавтомань, профессиональной, наукань, техникань ды телекоммуникациянь.